# Gamli Handil Søgulig heimasíða fyri Heiðarnar — Saltangará og Runavík - Websted: https://gamlihandil.fo/ ## Konsertir á Neystaloftinum Bjørg Olsen úr Æðuvík spælur klaver. - Link: https://gamlihandil.fo/tidindi-6/ - Udgivet: 2007-12-29T02:45:53+00:00 ![](/wp-content/uploads/arkiv/myndasavn/gomul-jol-2007/bjorg.jpg) **Konsertir á Neystaloftinum Gomul Jól í Heiðunum 2007 Mikukdagin 19. des. spædu **Diana Lamhauge Hansen** og **Óluva á Torkilsheyggi ** violin á Neystaloftinum  Hósdag 20. og Leygardag 22.des. spældu **Oddvør og Mary Fredriksberg **tvørfloytu á Neystaloftinum.  fríggjadag 21.des. spædu **Bjørg Olsen**, **Aimée og Eyðbjørg Jacobsen** á klaver og **Margaret Lilaa **cello, á Neystaloftinum.   Vit vitjaðu Fríggjakvøldi: har var sera hugnaligt, tær spældu jólaløg o.a.  Konsertin var væl fagnað av áhoyrarrunum. ## Basskonsert umborð á Høganes við Øssuri Johannesen - Link: https://gamlihandil.fo/tidindi-5/ - Udgivet: 2006-06-17T22:56:19+01:00 ![](/wp-content/uploads/arkiv/myndasavn/gamli-handil/tidindasavn/ossur-johannesen. jpg) Fríggjakvøldið 16 juni 2006 kl.21.00 hevði Øssur Johannesen Føroya mest orginali, ekspressive, virutuosi og ekstremi solobass-spalari, konsert umborð á Høganes sum liggur í bátahylinum í Heiðunum, hann framførdi eina bass-solo konsert við egnum, nýggjum løgum og tilfari hjá øðrum, m.a. tvey samansett stykki við temaum eftir Bethooven og eina “medley” við løgum eftir Led Zeppelin, Tjakovski, Uraiah Heep og Grieg. Øssur læs eisini egnar yrkingar, og løtan endaði við eini bass og guittar duo, sum Øssur og Hjalti Joensen framførdu saman.Tað vóru millum 30 og 40 áhoyrara til konsertina. _Síðani 1996 hevur Øssur givið 5 fløgur út, 3 solo og 2 saman við Hjalta Joensen, allar eru útgivnar av plátufelagnum Tutl. Øssur hevur drúgvar royndir í at framføra bæði í Føroyum og uttanfyri landoddarnar.Hjalti Joensen er ein av fremstu guittarleikarum okkara, hann er kendur frá m.a. Moira, Terja Rasmussen Devon og Kíkum. ## Nógv fólk var samankomið tá Jólaskipið legði at í Heiðunum - Link: https://gamlihandil.fo/tidindi-4/ - Udgivet: 2005-12-22T00:06:11+00:00 ![](/wp-content/uploads/arkiv/myndasavn/gomul-jol-2005/folk.jpg) Hugnaliga tiltakið er sera fjølbroytt við nógvum ymiskum á skránni. Økið er vakurt pyntað við perum og jólatrøum og skótarnir hava gjørt eitt portur úr raftum við inngongina til Gomul Jól. Teir skipa fyri hugnaligu jólakaféini á Neystaloftinum, har tú kanst keypa heitt gløgg, kaffi, vaflur, eplaskivur og annað gott, meðan tú lurtar eftir jólatónleiki. Tiltakið var roynt á fyrsta sinni í fjør, og var tað so væl umtókt, at tað aftur er á skránni í ár. Tiltakið hevur verið opið hvørt vikuskifti síðani 1. sunnudag í Advent, og jólavikuna er opið hvønn dag til og við hósdagin  22. desember. Opið er hvønn dag frá kl. 16:30 til 19:00.Í hugnaliga Gamla Handlinum hjá Olivari, hevur blómuhandilin Orkis eina rúgvu av jólaprýði til sølu. Her eru ljós, stakar, vættrar, jóladekoratiónir og mangt annað. Jólatrø fáast eisini til keyps uttanfyri. Harumframt er eitt rúm í handlinum, har ymisk tiltøk hava verið, Leygardagin 3. des. tók fotografurin Amy Hansen, Jólamyndir av børnum og vaksnum í Gamla Handlinum, í løtuni hevur Gunnvá Kjærbo av Strondum ymiskar vørur til húðrøkt til sølu. Nógvur tónleikur Í jólakaféini á Neystaloftinum er tónleikur at hoyra hvønn dag. Mánadagin 19. desember fara børnini úr Útistovu í barnagarðinum á Mýrunum at syngja jólasangir, og týsdagin 20. desember fer 12 ára gamla Bjørt Simonsen o.o. at spæla á sello. Hósdagin 22. desember, sum er síðsti dagurin, áðrenn tiltakið endar, spæla Angelica Nielsen og Tóri Restorff Jacobsen á violin og sello. Børnini kunnu gleða seg ! Í ár hevur eisini verið skipað fyri eini teknikapping fyri børn. Evnið er “Jól í Runavíkar kommunu”, og øll børn kundu lata tekningar inn í Gamla Handlinum hjá Olivari ella í jólakaféini. Seinasta freist at lata tekning inn var sunnudagin 18. desember kl. 19:00. Vinnarnir av teknikappingini verða kosnir tá jólaskipið kemur inn mikudagin 21. desember. Vinningarnir eru gávukort frá Handilsmiðdeplinum í Runavíkar kommunu, og millum jól og nýggjár verður ein framsýning við øllum myndunum í blómuhandlinum Orkis á Glyvrum. Børn og vaksin kunnu eisini gleða seg til mikudagin 21. desember, tá jólaskipið leggur at í bátahylinum, sum er beint við økið. Skotið verður við fýrverki tá skipið leggur at. Umborð á skipinum verða jólamenn, vættragentur, og kanska eisini okkurt vættrabarn. Jólamenninir fara at syngja saman við børnunum, og vættragenturnar fara at dansa onkran vættradans. Tey fara sjálvandi eisini at hava okkurt gott at bjóða børnunum, sum eisini kunnu gleða seg til, at vinnararnir av teknikappingini verða kosnir ta løtuna. Handlarnir í Handilsmiðdeplinum hava leingi opið í jólavikuni. So øll eru hjartaliga vælkomin til býin hesar dagarnar til jóla. Tað er eitt gott hugskot at fara ein túr til “Gomul Jól í Heiðunum”. Tá ið jólainnkeyp og annað er liðugt, kanst tú so leggja leiðina ein túr til hugnaligu og spennandi jólabygdina Æðuvík, og so ert tú í røttum jólahýri. ## Elis Poulssen hevur samrøðu við Petur Højgaard um sjólívið og spældur bleiv eisini sangurin sum Petur hevur yrkt “Tú Fødur føroyingur fríur” - Link: https://gamlihandil.fo/tidindi-2/ - Udgivet: 2005-06-12T22:46:00+01:00 - Forfatter: jeggy ![](/wp-content/uploads/arkiv/myndasavn/elis-og-petur-hojgaard.jpg) Petur Højgaard og Elis Poulsen ** Tú føddur føroyingur fríur. Tú føddur føroyingur fríur, væl borin i móðurlands fang, væl veri tín byrur blíður, tín framtíð rík og long. Niðurlag: Tað landið, tú nemur er Føroyar, væl runnið úr norrønar” rót, Guds trúgv og álit á landið, tá grør um gangandi fót. Føroyingur, tú kennir teg heima, títt borðfæ, tað fongríka hav várar forfedrar ei vit gloyma, tær oyggjar tú Harrin teim” gav. Hygg sólin á tindarnar roðar, nú brosar tín móðir til tín, tær kenslur í hjartað hon boðar um Skaparans verk til tín. Hann álitið hevur tær givið, tú setir teg aftur í rong, tak róðrið og eingin ivi, vind Merkið á fulla stong. Orð og lag: Petur Højgaard Saltangará ## Poula Andersen krambakvinna hjá blómuhandlinum Orkis selur jólapynt í Gamla Handlinum - Link: https://gamlihandil.fo/tidindi-3/ - Udgivet: 2004-12-06T22:47:51+00:00 ![](/wp-content/uploads/arkiv/myndasavn/gomul-jol-2004/poula-andersen.jpg) Til ber at vitja Gomul Jól í Heiðunum í Saltangará hvønn dag til jóla frá 16-18, tó leygardagar frá 12-14.  Nógv ymiskt er á skránni, blómuhandilin Orkis selur jólapynt í Gamla Handlinum, skótarnir selja jólatrø úti og hava jólacafé á loftinum í gamla neystinum. Í vikuskiftunum skipa skótarnir fyri einum mini mini djóragarði við føroyskum djórum. Livandi tónleikur verður at hoyra hesar dagar: mikudagin 8. desember syngja børn úr Barnagarðinum á Mýrunum (Útistovu) jólasangir. Hósdagin 9. desember syngja børn úr Heimistovu. Vikuskiftið 11. og 12. desember spæla Áki Hansen o.o. horn. Mánadagin 13. desember syngja børn úr Miðstovu. Týsdagin 14. desember syngja børn úr Frítíðarskúlanum á Toftum. Hósdagin 16. desember syngja børn úr Innistovu. Leygardagin 18. desember spæla Bodil Simonsen og Maria Tausen o.a. floytu. Sunnudagin 19. desember spæla Joan Simonsen og Bodil Tausen violin. Mánadagin 20. desember syngja Joan Simonsen, Monika W. Poulsen, Karla Maria Gaardbo og Jenny á Reynatrø jólasangir. Týsdagin 21. desember syngja Marita Joensen og Jonni Hansen. Mikudagin 22. desember syngja Joan Simonsen, Monika W. Poulsen, Karla Maria Gaardbo og Jenny á Reynatrø og Hósdagin 23. desember spæla Áki Hansen o.o. horn. Jólaskip leggur at í bátahylinum í Heiðunum týsdagin 21. desember.